【男朋友中意打機唔係毒男 而係一等一好男仔！】
早前我就寫左篇文讚中意食譚仔既女仔都係好老婆，你地反應好好。其實我重點不在於咩餐廳，只係想鼓勵一啲知慳識儉既女朋友。Anyway，好多謝你地既支持，所以今日我係時候要講埋邊種男朋友係好男仔。
好多女仔都同我講，好擔心男朋友因為打機而忽略自己，心裡面盤算住幾時趁男朋友唔喺度就掟爛佢部機。但我就唔係咁睇，你一掟爛左部機唔比佢打機，就好似孫悟空冇左金剛圈，男人冇左套........咳咳咳，總之就想做乜都得，重獲自由。其實只要佢唔係沉迷到唔care你，唔同你出街，咁打機呢個行為係好應該值得被鼓勵既。
其實你睇達哥已經知一二，佢樣就正正常常啦，嗰陣以實況打機起家，有邊個會諗到打機都會做到CEO，變成真正既職業？中意打機既人仲需要有高度既專注力，轉數隨時快過普通人。
通常唔比男朋友打機既女朋友都有一個特徵——特別痴身！我唔係話痴身唔好啦，有邊個未試過好愛好愛一個人？不過你就比較誇張啲，數據化啲黎講既話，你係想100，甚至200%佔有佢。點解我會咁講？因為明明呢個係一個興趣黎，依家比你剝奪左呢個自由喎，同狗有咩分別？呀唔係，講錯左，狗都有得自己揀訓覺定同你玩。就好似你日日好中意睇韓劇、行街、化妝呢啲，男朋友全部唔比你做，你會點？鬧返佢女性要有自己權利呀？
同埋當佢打機嗰陣係全神貫注，你有冇試過wtsapp、打電話比佢佢都唔應機？既然佢連你都唔應，更加唔會為左一個玩玩下既女仔dum低隊友啦。所以我地知道，打機係冇可能同時溝女，除非佢上個女仔屋企一邊打機，一邊比人打.....機啦。
咁我依家再問你一句：你寧願佢同啲朋友打機，然後同你講去左沖涼費事你嬲好？定係夜媽媽落club磨磨磨、啪啪啪，然後呃你話訓左覺，仲熄埋機好？
#其實主要想講唔好禁止男朋友打機
#當然打機當中都有仆街既存在
Search